Кылем арын сизьыл "Алангасарлэн вужерез" кинофильм эфире потэм дырысен 15 ар тырмиз. 94-ти арын съемкаос Шаркан ёросысь Мувыр гурт дорын мынизы. Соку нимысьтыз вашкала удмурт гуртлы тупась коркаос жутизы. Табере соос сисьмо, куашкало. Чебер суред вал 15 ар талэсь азьло Шаркан ёросысь Мувыр гурт дорын, зэмзэ ке верано Вуш Пашур вуко интыын. Камераос, тылъес, тодмо актеръес — син мальдымон. Туноос, вашкала дисьес, пудоос, чын — паймымон.
ЮРИЙ ПЕРЕВОЗЧИКОВ ШАРКАН ЁРОС КИВАЛТЭТЛЭН ТОРОЕЗЛЭН ВОШТИСЕЗ: "Отын Белыхлэн лэсьтэм удмурт черкез вал. Мон отчы пырисько ке, йырсиосы ик выллань жутско вал. Сыче со инты вал. Собере ма шуод, куашкатим, ом быгатэ со интыез возьыны."
Вуж Пашур гуртысь Мария Соколова но Глафира Медведева киноын трос калыко люкетъесаз пыриськизы. Табере та интые экскурсие кадь гинэ ветло. Шумпотыса овол, паймыса. Кино лэсьтэм бере нырысети 2-3 арзэ ветлизы татчы туристъес. Пырак Финляндиысь автобусэн лыкто вал. Соку гуртоос культурая министерствое музей лэсьтыны мед лэзезы шуыса гожтэт но гожъязы. Отын валэктон сетизы — "не историческая ценность".
АЛЕКСАНДР КОСАРЕВ ШАРКАН ЁРОСЫСЬ "МУВЫР" МУНИЦИП КЫЛДЫТЭТЛЭН ТОРОЕЗ: "Киносъемка дугдэм бере, адске вал ини, что хозяинэз овол, но разбираться кариськыны кутскимы но солэн музъемез арендаын, хозяинэз кытын ке но Ижевскын вань, ми соин со котыре ом кутске. Но али кутсконо ке, табере затратаос трос кулэ ини."
Со арендалэн срокез ог 5 ар талэсь азьло бырем. Собере вуылиз Ижкарысь мувыръеслэн ик улосчизы — эн исалэ, пе, со интыез, мон, пе, сое басьти, шутэтскон инты лэсьто. Ышиз. Туннэ ке но номыр но лэсьтэмын овол.
ЮРИЙ ПЕРЕВОЗЧИКОВ ШАРКАН ЁРОС КИВАЛТЭТЛЭН ТОРОЕЗЛЭН ВОШТИСЕЗ: "Али выль малпанъёсмы вань. Мувырын глава выль, со малпа выльдыны, мед луоз отчы адямиослы ветлыны возьматыны шуыса."
АЛЕКСАНДР КОСАРЕВ ШАРКАН ЁРОСЫСЬ "МУВЫР" МУНИЦИП КЫЛДЫТЭТЛЭН ТОРОЕЗ: "Нырысь прудзэ лэсьтом может быть, борысь все равно спонсор утчано. Вань желанимы частично восстановить карыны вуж деревнязэ ну и можно карыны база отдыха. Мукетгес интыяз уже выльгес коркаос но лэсьтылыны, чтобы мед быгатозы шутэтскыны."
Валамон ини, табере вань ужпум коньдон вылэ пыкъяське. Лэсьтэмзэ утьыны оз быгатэ бере, вань ужез выльысь кутсконо.
АЛЕКСАНДР КОСАРЕВ ШАРКАН ЁРОСЫСЬ "МУВЫР" МУНИЦИП КЫЛДЫТЭТЛЭН ТОРОЕЗ: "Асьме возможностьмы овол милям, предпринимательесмы золъесыз овол тоже. Соин утчаськом спонсоръёсты, нефтянникъёс пыр но. Кылем арын но нуллыли."
Малпано ке, Мувырын лэсьтэм фильм кыче ке, комедия яке боевик гинэ луысал ке, оло, синпелетлы кельтыны кулэлыкез ой но луысал. Но отын сюжетэз — удмурт калык мадёс. Лэсьтиськемъёс, диськут — ваньмыз вашкала удмурт шомын. Соин ик со туж дуно но туж кулэ. Нош мукетъёсызлы – тунсыко.
Жители деревни Мувыр: об участии в Съёмках х/ф "Тень Алангасара" from Yumshan TV2 (Yumshan Promo) on Vimeo.
Комментариев нет:
Отправить комментарий