6 марта 2011 г.

Национальные герои и национализм.

Программа Ларисы Кайсиной "В центре внимания". Тема раскрывается на примере удмуртского национального деятеля Трокая Борисова. С участием Ангелины Решетниковой (гимназия № 44), Татьяны Ишматовой (Удмурт Кенеш), Леонида Романова (Национальный Театр), Николая Кузнецова (писатель-документалист)
(p) Моя Удмуртия,
март, 2011



2 комментария:

  1. Кема малпаськем бере Трокай Борисовлы сӥзем передача пумысен гожтоно кариськи.
    Туж умой та выллем, удмуртъёс сярысь мадись ӟуч кылъем передачаос шаерамы пото шуыса.
    Но мыным оглом ӧз яра. Кыӵе ке но ӝож, куашкам мылкыды кылиз.
    1. Нырысь ик нимыз - «Национальные герои и национализм». Национализм кылыз мыным люкетэ.
    Выльысь та валатонэз реабилитировать карыны кулэ, берло ини уже кутыны та выллем контекстъёсын.
    Сотэк но асьмеды, анай кылмес яратон понна националистъёс пӧлы гожто, укыр таӵе передачаослы ним сётыса, оло, эшшо но кужмогес кышканзы будоз.
    Кышкан понна нош мар мугез - удмуртъёсты ӵыжыса но Россиысь уд улля: ныьль сю витьтон ар ӵоже бурмемын ни ог-огмылы.
    Озьы ке но национализм кема аръёс ӵоже мар ке урод шуыса пыӵатэмын йыръёсамы, кӧня ке «таза национализм»лэн пырыез котькуд калыклэн луыны кулэ ке но. Россиын та кыллэсь шайтанлэсь кадь курдало, уката но берпуметӥ толэзьёсы бурмисьтэм но выльысен усьтӥськем яралэсь кадь. Яра висе, эмъюм нош шедьтэмзы/мы уг луы.
    2. Кыкетӥез – передача нуисьлэн ассэ воземез но дасяськымтэез. Мон та удысын укыр йӧндырись ке но ӧвӧл, мон учкись, соин ик гажасько, передачаез нуись темаезъя рос-прос дасяське ке, дась ке калык азе потыны. «втему» юан сётэмез луэ ке.

    3. Лыктэмъёслы но, тыро-пыдогес юанъёслы валэктон сётыны ӧй люкетысал. Тӥ шоры х-сюрсъем аудитори сяна быдэс калыкты учке. Тӥ, отчы лыктэмын бере, азьмынӥсьёс калыкты азьын, соин ик азьмынӥсь верамъёсты но луыны кулэ. Шумпотытӥз Николай Кузнецов. Со кадь лад-лад но валась муртъёсмы тросгес ке луысалзы! Оглом лидеръёс пумысен вераськонэ «гылӟыса» выжемзы нош воксё сӧриз мылкыдме. Малы ӧтёнтэм егит азьмынӥсьёсты? Малпасько, вераськон воксе но мукет ӧре кошкысал, но умой ук!

    4. Марлы кышноос сярысь вераськыны –юалляськыны кулэ вал, ярато-а уг-а вал соос Трокаез? Передачаысь ини адскиз, макем ичи тодиськом со сярысь. Ужъёсыз сярысь азьло вераське, берло ини гольтырес юанъёслэн дырзы. Акыльтӥз ке, кызьы асьме эстрадаысь кизилиос, соку ини чыры-пыры ужъёс сярысь юалляське.

    5. Нуись нылкышнолэн «сямыз», вылды, сыӵе луыны кулэ, чурыт вамп кышно, но сэпе ик пӧзьтӥз юанэзлэсь – Марлы, пе, Тӥ со сярысь реабилитациез азьпал кышкады вераськыны? Вот липет йылысь усем-а мар-а таӥд, совето вакытэ улымтэ, шудо/ миськинь? Юанэзлы нош пумит юан - асьме карамы нош Пушкинлы памятник малы Университет азьын сылэ, нош Трокайлэн бюстэз сылоз куштэм-аналтэм азьын. Яке ас шаерад но палдуртэм инты висъям понна но йыбырттыны кулэ ни?

    Трокай таӵеез адӟыса ӝожомысал, дыр. Мар понна улонзэ сётӥз… мур лулӟыны гинэ кылиз на...

    ОтветитьУдалить
  2. серезэ:

    1."ӝож, куашкам мылкыды кылиз"
    = кышкам мылкыд, дыр...
    "ныьль сю витьтон ар ӵоже бурмемын ни ог-огмылы"
    - öвöл пöяськоно, соос - бурмымтэ.
    2. ...
    3. озь!
    4. кыкпол - озь.
    5. пеймытэ ышо дауръёс, бен.

    "мур лулӟыны гинэ кылиз на..."
    - серезэ, мур лулӟыса, выльысьсэ шокытсконо!

    тау! но Инмар мед Тӥледын!

    ОтветитьУдалить