23 февраля 2011 г.

Как Дарали на дискотеку Мылысь-Кыдысь сходила.

Кутскиз со мон понна брутально. Мон сурай троллейбусме. Троллейбус нуиз кыӵе ке пасе, отысь эшшо берен мыноно луиз, Автозаводэтӥ йыромыса.
Ярам, бен, нырез кынтэм бере но критически бере кыльыса, вуи ик «Фэшн» клубе. Отын шуак шуныт удмурт мылкыд пылатӥз.

Нырысь ик, паймоно кадь, удмурт ретро-дискотекае вуэм Пьотр Палган. Со отчы, конечно, туж тупаз: огшоры курень свитерен, востэмак пальпотыса, вылӥысен учкиз удмурт калык шоры: турлы дэремъёсын кышноос улӥын бергазы-эктӥзы, ачиз ӝӧк сьӧрын, кыкетӥ этажын пукиз. Малы ке уг экты Петыр, нош крезьгур ӵапак пань-пань удмурт.

Лӧптыса пумитай пульт сьӧрын шулдыртӥсь Леонид Гусевез. Италиысь диджей Александр Роботник кадь, лэся , стильно вералоз со интервьюосаз: «Мон самой пересь диджей!» Федотысь тузӥ. Пуктӥз крутой трек: «Ойдолэ, ойдолэ, эшъёсы» by Пичи Пургалась Андрей Кабышев. Ну, тодкоды на, дыр, кудӥз «Надежда, Татьяна, Ирина но Влада…»

Ирина сярысь шуоно ке, отын Зангарик вал. Фото пуктылӥз. Строгий лук: йырси пучокын, штани, водолазка. Мыным кельше. Нош Петыр отын но маке шедьтоз ни: «Учкы, Дарали, со нош ик звукооператор доры мынӥз! Но кыӵе со Зангарик… Малы со мынӥз со пияш доры?»

Со вакытэ подиум вылын кылдӥз кырӟан: Юлия Кузьмина но кузпалыз. Чузъяськиз со олокытысь. Петыр валэктӥз: соос юбо сьӧрын сыло, соин ик уг адско. Мон гань-гань кариськи.

Киномы сярысь вераськон куспын тани асме но сцена вылэ ӧтизы. Дэра дэремъёсын («Дорвыжы» спектакльысь кадь) Федотова но Сидоров вискы султӥ. Вераськи туж правильно, чылкыт удмурт кылын, но одӥг кылы понна штраф сёто вал ини! Таӵе фразае: «Кытын ке удмурт ужрадъёс вань ке, маке огыр-бугыр луэ ке, мон автоматически отчы кыстӥськисько». Собере тау кари на Мамаелы, Чернова Тутьяна Николаевналы, со монэ удмурт кыллы дышетӥз шуыса. Калыклы та туж кельшиз: соос чабизы. Воксё ке, мон тырши калыклы кельшись малпанъёсты шараяны. Киясаос ӧй шумпотысалзы, дыр, кыӵе ке мудронъяськонлы.

Адями укыр трос ӧй вал ке но, огъя верано ке, умой пукон-вераськон понна тырмыт. Мӧзмыталэс потӥз ке, юон тырмымтэен но оло… «Фэшн» клубын уго уксёез карточкае пононо. Озьы вырыны дӥсьтоно ӧвӧлгес. Ачим но огпол но отын ӧй на кунояськы. Турлы дэремо кышноос но озьы уг выро, дыр.
Пиосмуртъёс, бен, ӧжытгес вал.
Кошкыкум ини дорам лыктӥз удмурт кышномурт. Со одноклассникелэн Алёша Чекинлэн анаез. Ӵош удмурт крезьгуръя школае ветлӥм. Алёшалэн, пе, ӟоген сюан. Эх, конечно, Алёша удмурт удрадъёстӥ уз ветлы… ИжГТУ-эз быддтэм, пе. Мае ке со тодэ-а меда удмурт ужрадъёс сярысь? Нош удмурт кылын вераське-а меда? Тодмотэм.

Нош ӵапак Алёша Чекинлэн мамаез кадьёслы ик тупамон, дыр, та «Мылысь-кыдысь» дискотекаос.


Комментариев нет:

Отправить комментарий