6 сентября 2010 г.

Удмуртское социальное чтиво. ПУМИТ.

Удмуртъес полын мозмыт. Мозмыт, малы ке шуоно номыр уг воштиськы. Удмуртъес - жизнеутверждающе одиг кадесь, умой но урод сямъесынызы - но со вошъяськонтэмлык ачиз ик умой но, урод но.

Удмурт дизайн овол. Вань удмурт пужыос. Удмурт кырзан - воштиськисьтэм константа. Удмурт сиенъес? Мохито по-алнашски яке виртырем рукколаен но жуко мильым пармезанэн оз кылды на. Зуч сиенъес суро-пожо (фьюжн) жо:квыл вань ини, ношколысэн суши малы овол?


Та дуннеын азинскон процессъес жалятэк чушо калыкъесты, сям-йылолъесты, улон манеръесты - нош удмурт калыкез номыр уг вошты."Мар асьмемыз уг виы, со кужмогес каре" - шуиз вал Ницше. Удмуртъес сярысь вераку, коня ке воштыны луысал: мар асьмемыз уг виы, со уз но вошты. "Тодисько мон тиледыз, - шуиз поляк Петыр Палган, удмурт кино лэсьтон борды кутскыкуз, - ти:, удмуртъес, ваменэсэсь. Одно ик ас сяменыды лэсьтэмды потэ. Котьма вера - одно пумит вазеды". Поляк Петыр, конечно, зэмзэ уг вера :)
Так что берпумети удмурт кулоз кумышкаен кияз, кутэн, кымес вылаз лэзиськем кышетэн. безусловно, со луоз кышномурт.

- Ю! Ю, шуисько, калера!!!- кесяське вал Анна кенак, вселеннойысь берпумети удмурт мужикез жиптыса. Соиз отчаянно чыртызэ нуйтыли:з - ухватэн аракыен инквизиция тирлыклэсь палэнэ. Анна кенаклэн озьы ке но принцыпез чурыт вал: йырме пиле, но сектало. Ухватэз куаш-куаш кырмыса, со шаплы дэмзыти:з корт си:ез куанер Валериклэн ангесэз улэ, хрясссь! - вазиз отысь... Аракы чильк-вальк воректыса, ненег пуньырз:ем чечы шапыкъес кадь погыльскиз мычымтэ чырты вылтырти:... ачиз но чырты кызьы ке куашканы одъяз. Йыр бекырскиз... Ухват эгес вылын ошиськиз... Но Анна кенак валаз: овол. Овол кисьмамын эмез: - кызьы шуыли:з чужаез. Овол. Все. Пумыз.

Дарали Лели.

2 комментария:

  1. Куд-ог гуртъёсын зэмзэ ик озьы сектасько. Уката Кияса но Алнаш, Пурга палъёсын. Маин со герзаськемын? "Ты меня уважаешь?" шуыса али но юо, азьло но озьы ик вал.
    Нош удмурт калыкез озьы гинэ кумышка пыдсы выйытыса уд вийы али - адями мукет луэ. Нылкышно али визьмо, чебер, нош воргорон ассэ возьматыны малпаз ке - яратиз ке, тыршоз йыгмыт сямо луыны. Нылкышно нырысь ик нылпи вордись, юрт котырез утись, кузпалызлэсь кылдиськись луиз ке - ваньмыз интыяськоз. А то нылкышно чем дыръя Мон шуэ. Нош толык уг тырмы!!!
    Дизайн шуэмысь - малы тиледлы уг яра удмурт перепеч но кыстыбей, малы утчаськоды кильтро дэрем?.. Дуннеысь вань калыкъёс данъясько вашкалаеныз. Нош асьмеос песятайёсмылэсь быгатэмзэс но быдэсак усьтытэк дизайн сьоры уиськиськом.

    ОтветитьУдалить
  2. Удмуртъёс полын мозмыт, вотякъёс полын шулдыр: весь доказательство куро, зэм ик-а удмурт шуса.

    ОтветитьУдалить